Үсчин, гоо засалчдын тэмцээн боллоо

Монголын үсчин, гоо засалчдын холбооноос зохион байгуулсан үсчин, гоо засалчдын 21 дэх удаагийн тэмцээн өчигдөр Бөхийн өргөөнд болж өндөрлөлөө. Мэргэжлийн үсчин, гоо заслын үйлчилгээг олон улсын жишигт нийцүүлэх, хөгжүүлэх зорилготой тус тэмцээн үзэгчдийг гоо сайхны ертөнцөөр аялуулдаг. Тэдний өрсөлдөх чадварыг дээшлүүлэх, үсний тайралт, самналт, боди арт, нүүр будалт, хумс засалтын орчин үеийн шинэ дэвшилтэт технологийг харуулах, харилцан суралцах нь тэмцээний бас нэг онцлог.

Тус уралдаанд 21 аймаг болон бүсийн уралдааны шилдгээр шалгарсан 170 гаруй гоо засалч, мэргэжлийн үсчин оролцжээ.