Энхбаатар СТА боллоо

Яруу найрагч Н.Энхбаатар нь 2010 онд “Айргаар цэнгэгчийн орон” нэртэй цомог гаргаж, цомгийнхоо нэрээр нэрлэсэн тоглолт хийж байсан. Харин хоёрдахь бие даасан “Чамайгаа санахаар” тоглолтоо өчигдөр  бөхийн өргөөнөө суудал дүүрэн үзэгчтэй сайхан тоглолт  хийлээ. Саяхан хэвлэлтээс гарсан дуу, яруу найраг хосолсон дабль цомог нь ч “Чамайгаа санахаар” нэртэй аж. Энэхүү “Чамайгаа санахаар” тоглолтонд дуучин “Чингис хаан” хамтлагийн ахлагч МУГЖ Д.Жаргалсайхан, МУГЖ С.Эрдэнэцэцэг, СТА Э.Оюумаа, Д.Хишигбаяр, Р.Дэлгэрмаа, Л.Банзрагч, Л.Болдбаатар Г.Эрдэнэтунгалаг, Т.Батсайхан гээд нийтийн дууны нэгэн үеийн төлөөлөл болсон залуучууд өргөнөөр оролцлоо. Мөн Энхбаатар найрагч маань энэ тоглолтонд дээрээ СТА авч баярын буухиа нэгээр нэмэгдсэн юм.