Д.Хаянхярваад С.Ганбаатар сануулга өгчээ

УИХ-ын гишүүн С.Ганбаатар УИХ-ын гишүүн Д.Хаянхярвааг амны хийгээ аятайхан байлгахыг сануулсан тухай сурвалж мэдээллээ. Тодруулбал, УИХ-ын гишүүн Д.Хаянхярваа  өнгөрсөн сонгуулийн өдрүүдэд Дархан телевизд ярилцлага өгөхдөө  ””МҮЭХ  бол УИХ-ын гишүүн С.Ганбаатарын хувийн компани биш. С.Ганбаатар Дархан-Уул аймагт МҮЭХ гэдэг нам бараг байгуулсан шүү дээ” хэмээн ам алджээ.Үүнийг сонссон УИХ-ын гишүүн С.Ганбаатар нэлээд бухамдаж, Д.Хаянхярваа руу мессежи илгээгээд авчээ. Тэрхүү мессежидээ “Би өмнөх сонгуульд дуугүй өнгөрсөн. Энэ сонгуульд чадахгүй шүү. Амнаас гарсан хийгээ засахгүй бол АТГ-т нэмэж материал бүрдүүлж өгнө шүү. Би харин ч ёс зүйтэй байгаа шүү. С.Ганбаатар” гэж илгээж орхисон сурагтай.