“Daisy”-ын тоглолт боллоо

Хэдэн жилийн өмнөхөн “Дурлал чи юу хүснэ вэ” хэмээх дуугаар олонд танигдан гарч ирсэн дуучин “Daisy” өчигдөр “I Loft”-д хандивын тоглолтоо хийлээ. Энэхүү тоглолтын гол зорилго нь “Миний гэр” гэх асрамжийн газрын хүүхдүүдэд туслах, мөнгөн тусламж үзүүлэхэд оршиж байгаа аж. Тэрээр цаашдаа энэхүү асрамжийн газарт байнга мөнгөн хандив өргөж байхаар “батламж” гардуулсан юм. Мөн хит болсон “дурлал чи юу хүснэ вэ” дуугаа хүүхдүүдтэй хамтран дуулж мөн хүүхдүүд тайзнаа урлагийн номер үзүүлж байлаа. 

Нөгөө талаар энэ тоглолтоороо дуучин “Daisy” мөрөөдлөө биелүүлж байгаа юм байна. Урьд нь жижиг ч гэсэн халуун, дулаан уур амьсгалтай, өөрийн бие даасан тоглолт хийх юмсан хэмээн мөрөөддөг байсан гэнэ. Харин энэ удаад тэрхүү мөрөөдөл нь биелэхийн дээр энхрий бяцхан үрсийг баярлууллаа. Буяны цагаан үйлс машид дэлгэрэг ээ...