Явган хүний замаар машин давхих нь ээ

Бусдыгаа үл хүндэлдэг, дүрмээ баримталдаггүй жолооч нар хэрээс хэтэрэх болжээ. Өчигдөр хүнсний 1-р дэлгүүрийн  ойролцоо 1309 УБТ дугаарын авто машин явган хүний нарийхан замаар хэнэг ч үгүй явж байлаа. Зарим нэгнийх нь ямба нь хэтэрч орох газрынхаа хаалганд тулж буухын тулд тийм үйлдэл гаргасан гэмээр харагдаж байсан юм. Учир нь машин замд ямар нэгэн бөглөрөл саад гараагүй байсан бөгөөд тэрхүү бүдүүлэг үйлдэлээс нь болж хүмүүс төмөр хашлага даван алхаж байлаа. Энэхүү зургийг харсан хууль хяналтынхан тус машинд зохих ёсны арга хэмжээг авна гэдэгт найдаж байна.