Гуйж, гуйж дуучин болсон Баярцэцэг

Дуучин Баярцэцэг анх дуучин мэргэжлээсээ тэс өөр чиглэлээр суралцаж байжээ. Гэнэтхэн нэг өдөр дуучин бүсгүй маань зоримог шийдвэр гарган хичээл дээрээсээ гараад СУИС-ын зүг рүү харвасан сум шиг гүйсэн гэдэг.Тийн хүсэл мөрөөдөлдөө хөтлөгдсөн охин  зоригтой гэгчээр СУИС-ын ректорынх нь өрөөнд гүйн алдан оронгоо хаалгыг нь тас дараад дуучин болохыг гуйж зогссон гэдэг.

 Багш нар нь төвөгшөөсөн янзтай хандахад “та намайг сургуульдаа авчих л даа. Үгүй бол би таныг гаргахгүй” гээд л уйлж гарч. Аргаа барсан захирал хэдэн багш нараа дуудаж мөрөөдлийнхөө зүг рүү тэмүүлж буй жаахан охиныг шалгуулсанд азтай гэмээр тэнцчихжээ. Ингээд л түүний урлагт мөрөө үлдээх боломж нь тэгширч, урлагын алтан хаалгыг хүчээр гэмээр татсан байна. Одоо бол олонд танигдсан сайн дуучин хэдийнээ болжээ.