Элбэгдоржийн гар хөлүүд юу л хийгээд байна даа

Аливаа зүйлийн давс, хужир ихэдвэл нэн аюултай. Ардчилсан хэмээх малгайтай манай улсад ард олны зэвүүцлийг хүргэсэн үйл явдлууд хэрээс хэтэрлээ. МАХН-ын дарга Н.Энхбаярыг хов, живнээс үндэслэн буруутгаж дөрвөн жил хорих ял оноосон. Даарин дээр нь давс гэдэг шиг УИХ-ын 2012 оны сонгуульд Өвөрхангай аймагт буюу 10 дугаар тойрогт Ардчилсан намаас нэр дэвшсэн Г.Батхүү, Д.Зоригт нарыг СЕХ-ны шийдвэрээр УИХ-д сонгогдсонд тооцож тангараг өргүүлэхээр болсон явдал нийт ард иргэдийг дэндүү доромжилсон хэрэг боллоо. Шүүх, прокурорын байгууллагын нэр хүндийг унагасан эдгээр үйл явдлууд зөвхөн АН-ын талд үйлчилж буй нь захын тэнэг хүнд ойлгомжтой байна. Цаашилбал “Элбэгдоржийн гар хөлүүд юу л хийгээд байна даа” гэх эгдүүцлийг нийгэмд авчирлаа. Олон жилийн дараа засгийн эрхийг барьж буй АН-ын зарим нэг хүний омог бардам увайгүйтэл яавч эерэг үр дүн авчрахгүй нь тодорхой боллоо.