Нахиалж буй Ганчимэг

УДЭТ-ын өвөл цагийн нээлтэд тавих гэж байгаа “Гамлет” жүжгийн гол дүрд тоглохоор шалгарсан  авьяаслаг жүжигчин Ганчимэг нь олон тайз, дэлгэцийн бүтээлд дүр бүтээж урлагийнхан дунд цахиур хагалж яваа нэгэн. Энэхүү Гамлет жүжгийн гол дүр болох Офелиягийн дүр нь эмэгтэй жүжигчид бүрийн хүсэн мөрөөддөг дүр гэж хэлж болно. Түүний  хоёр дахь дүрд МУСТА Д.Ганцэцэг  сонгогджээ. Офелиягийн дүр дээр хамгийн чухал хэсэг нь солиорчихсон байгаа хэсэг нь байдаг.  Эдгээр хэцүү үзүүлэлтүүдийг залуухан жүжигчин маань чадварлаг гаргаж сонгогдсон нь мэдээж. Мөн “Тэнгэрийн хүү”  дүрээ их чадварлаг  бүтээсэн. Энэ дүрээрээ Н.Наранбаатар найруулагчийн анхаарлыг татаж мөн мэргэжлийн жүжигчдээс өндөр үнэлгээ авсан гэдэг. Ийн эд хөгжиж өөрөөр хэлбэл нахиалж буй уран бүтээлч маань цааш, цаашдаа улам томрон ургах нь тодорхой.