Нийслэлийн өмчит байгууллагуудын удирдлага дунджаар 4 сая орчим төгрөгийн цалин авдаг
Нийслэлийн өмчит болон өмчийн оролцоотой байгууллагуудын удирдлагуудын сарын цалин дунджаас өндөр буюу ойролцоогоор 9-12.8 сая төгрөг байна гэх мэдээлэл хэвлэл мэдээллийн хэрэгслээр гарсан.
Тэгвэл Нийслэлийн өмчит болон өмчийн оролцоотой компанийн гүйцэтгэх захирлын сарын үндсэн цалингийн дээд хязгаарыг НИТХ-ын 2025 оны 03 дугаар сарын 25-ны өдрийн 25/46 дугаар тогтоолоор, хөдөлмөрийн хөлсний доод хэмжээг 5 дахин нэмэгдүүлсэнтэй тэнцүү хэмжээгээр тогтоосон байдаг. Энэхүү тогтоолыг мөрдөж ажиллахыг тухайн байгууллагын Төлөөлөн удирдах зөвлөлд /ТУЗ / үүрэг болгодог.
Тогтоолоор, хөдөлмөрийн хөлсний доод хэмжээ болох 792 мянган төгрөгийг тав дахин нэмэгдүүлж, дунджаар 4 сая орчим төгрөгийн цалинг авдаг.
Мөн Төрийн Өмчийн Бодлого Зохицуулалтын газрын 2023 оны 173 дугаар тогтоолоор орон нутгийн өмчит болон орон нутгийн өмчийн оролцоотой байгууллагын ТУЗ, УЗ-ийн гишүүний цалинг хөдөлмөрийн хөлсний доод хэмжээг хоёр дахин нэмэгдүүлснээс ихгүй байхаар тогтоох аргачлалыг баталсан байдаг. Энэ дагуу НИТХ-аас ТУЗ, УЗ-ийн гишүүний урамшууллын хэмжээг хөдөлмөрийн хөлсний доод хэмжээгээр буюу 792 мянган төгрөгөөр баталж, нийгмийн даатгалын шимтгэл болон бусад албан татварыг хасаж, сараар болон улирал тутам олгохоор тогтоосон байна.
Эх сурвалж: НИТХ-ХМОНХА
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Нийслэлийн өмчит байгууллагуудын удирдлага дунджаар 4 сая орчим төгрөгийн цалин авдаг
Н.Учрал: Хөрөнгө оруулах, инновац нэвтрүүлэх, бүтээмж нэмэх замыг чөлөөлөх нь Засгийн газрын үндсэн чиг шугам байна
Ерөнхийлөгч У.Хүрэлсүх төрийн цэргийн болон хууль сахиулах байгууллагын залуу офицеруудтай уулзлаа
Олон улсын олимпиадад амжилттай оролцсон сурагчид, Зохион байгуулах хороодод Монгол Улсын Ерөнхийлөгчийн нэрэмжит шагнал гардууллаа
Энэ онд гадаадын улс орнуудад оргон зайлсан, эрэн сурвалжлагдаж байсан 37 этгээдийн байршлыг тогтоож, Монгол Улсад авчирсан байна
Н.Учрал: Өнгөрсөн хугацаанд болсон бүх асуудлын үнэн зөвийг тогтоолгох шаардлагатай
Согтууруулах ундаа хэрэглэсэн үедээ жолоо бүү барь
Сэтгэгдэл бичигдээгүй байна