Гаднынхан Монголд даварсаар...

Монголд оршин суугаа гадаадын иргэд тэр тусмаа Хятад, Солонгосчуудын хууль бус үйлдэлүүд их гарах болжээ. Хятадууд бүр даварч бүлэглэн Монгол хүмүүсийг хэрцгийгээр зодож хүнд бэртээх үйлдлүүд дахин, дахин давтагдсаар байгааг та бүхэн мэдэж байгаа биз ээ. Саяхан гэхэд л  “BLUE SKY tower”-т “ТV8” телевизийн сэтгүүлч бүсгүйг Солонгосчууд зодсон хэрэг гарсан. Энэ мэтчилэн эх нутагтаа гадаадын иргэнд дээрэлхүүлэх үйл явдал хаа сайгүй болж, цаашлаад жирийн нэгэн үйл явдал болж мэдэх нь. Өнөөдрийн байдлаар Налайхад хятад ажилчидтай олон байгууллага үйл ажиллагаа явуулдагийн улмаас тэнд эцгээ мэдэхгүй хэдэн зуун Хятадын эрлийз хүүхдүүд амьдарч байна. 

Саяхны нэг өдөр гадаадын даварсан үйлдэл мөн л давтагдлаа. Юу гэвээс Монгол хүний хүндэтгэл хүлээсэн Төрийн их ёслолын талбай дээр“National Geographic” гэх шинээр нээгдэж буй телевиз нь рекламаа байршуулж, эзэн Чингисийг рекламанд тоглууллаа. Гадны соёл Монголд дэлгэрч байгаа нь сайшаалтай ч энэ тал дээр төрийн хар хайрцагийн хатуу бодлогоор хандах хэрэгтэй байна. Эс бөгөөс энэ мэтчилэн иргэд нь төрөө хүндэтгэх сэтгэл зүйг рекламны самбараар үгүйсгэсэн үйл явдал дахин давтагдсаар байх болно.