Номтойбаяр санаагаа “бор”болгоно

МАН-ын залуу боловсон хүчин гэгддэг Н.Номтойбаяр нэг тэрбумаар дэд сайдын суудалд сууж төрийн албаны үнэ цэнийг тэнгэрт хадаасан нэгэн. Тэрээр ойрын найз нөхөддөө өөрийгөө боровтор санаатай болж байгаа тухай ярьж яваа гэнэ. Бөөн мөнгө гэж олонд харагддаг тэрбээр бор санаатай болсны учир нь улстөрч хүн цагаан сайхан сэтгэлтэй байж болдоггүйтэй холбоотой гэнэ. Н.Номтойбаяр “Цагаан санаатай явъя гэхээр хүмүүс намайг нударчих гээд байх юм. Хар санаатай явъя гэхээр хажуу хавиргаа нударчих гээд байх юм. Болж өгвөл бор санаатай явах юмсан. Болдогсон бол дандаа дундуур нь жирийх юмсан” гэдэгсэн. Аль болохоор бордуу санаатай болох гэж хэрэндээ л хичээж явна гэж найздаа хуучилжээ.