А.Цолмон: Малын гажиг нь цацрагийн хороос бус дийлэнх нь эрдэс бодисын дутагдал гэж тогтоогдсон

Moderator

2025/09/23

Байгаль орчин, хүнс, хөдөө аж ахуйн байнгын хороо, Эдийн засгийн байнгын хороо хамтарсан Халзан бүрэгтэй орд газрын ашиглалт, байгаль орчинд үзүүлэх сөрөг нөлөөлөл, эрсдэлийг нарийвчлан судлах хэлэлцүүлэг өнөөдөр Төрийн ордонд болж байна.

“Халзан бүрэгтэй” төслийн гүйцэтгэх захирал А.Цолмон мэдээлэл өглөө.Тэрбээр, "Манай халзан бүрэгтэй төсөл Монгол Улсын хувьд чухал ач холбогдолтой орд яах аргагүй мөн. Ганцаараа хүнд газрын ховор элементийн нөөцтэй, нөөцийн хэмжээгээрээ гайгүй том. Гэхдээ их олон жилийн хугацаанд ойлгомжгүй байсаар ирсэн.

Бид ард иргэдийг мэдээлжүүлэх ажлаа хийсээр л ирсэн. Гэхдээ зарим талаараа дутуу ажилласан зүйл байгаа. Тухайн бүс нутаг нь малчин өрх олонтой. Малын гажиг нь цацрагийн хороос бус дийлэнх нь эрдэс бодисын дутагдал гэж тогтоогдсон юм байна.

Бид өнгөрсөн хоёр жилийн хугацаанд хайгуулын ажлаа явуулах боломжгүй, 2 улирлын хугацаа алдсан. Үүнтэй холбоотой төслийн ерөнхий хуваарь 2.5-3 жил орчим хоцорч байгаа. Хөрөнгө мөнгө гэхээс илүү цаг хугацаагаар их хохирч байна" гэлээ.

Asu.mn

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ