Залуучуудын өдрийн мэнд хүргэе!

Залуучууд та бидний эрч хүч, эрдэм мэдлэг, авьяас, ур чадвар улс эх орны ирээдүйн хөгжлийг тодорхойлох гол хүч билээ.

Миний бие анх 2016 онд УИХ-ын гишүүнээр сонгогдож "ЗАЛУУЧУУДЫН ХӨГЖЛИЙГ ДЭМЖИХ ТУХАЙ" хуулийн ажлын хэсгийг ахалж, батлуулж байлаа.

Үр дүнд Монгол улс Залуучуудын тухай хуультай болсон дэлхийн 17 дахь улсын нэг болсон билээ.

Харин өнөөдөр Тэргүүн шадар сайдын хувьд бизнесийн эрх чөлөөг бататгаж, хүнд суртлыг халж, хууль дүрэм, журмын түгжээг тайлахаар ажиллаж байна.

Startup, залуу бизнес эрхлэгчдэдээ дотооддоо татваргүй бүс бий болгож дэмжих, гадны зах зээлд амжилттай нэвтрэх боломжийг олгох бодлого хэрэгжүүлж байна.

Залуу хүн та цаг үеийн дуудлагаас хоцрох ёсгүй.

Цахим спортын The MongolZ, 3х3 сагсан бөмбөгийн багийн амжилтаас үлгэрлэн, та бүхэн өөрсдийн хүч чармайлт, ур чадвараараа эх орныхоо нэрийг дэлхийд дуурсгах том амжилтын эзэд болж чадна гэдэгт итгэлтэй байна.

Өндөр хурдаар өөдрөг ирээдүйг хамтдаа бүтээцгээе!

Монгол залуусын зүрхэнд, тархинд, Монгол эх орны минь маргаашийн хувь заяа зураастай!