Монгол Улсын Алдарт уяач Ч.Амарсанаагийн уясан хүрэн азарга түрүүллээ

Moderator

3 цаг 32 минутын өмнө

Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 104, Ардчилсан хувьсгалын 35 жилийн ойн Үндэсний их баяр наадмын хурдан азарга Хүй долоон худагт уралдлаа.

Төрийн их баяр наадамд уралдахаар 151 азарга бүртгүүлснээс 106 нь сэрвээний өндрийн стандартыг хангаж гарааны зурхай руу хөдөлсөн юм.

Баянхонгор аймгийн Бууцагаан сумын харьяат Монгол Улсын Алдарт уяач Ч.Амарсанаагийн уясан И.Золбоогийн хүрэн азарга түрүүллээ.

Аман хүзүүнд Орхон аймгийн Баян-Өндөр сумын харьяат, Аймгийн Алдарт уяач Д.Цээлхаасүрэнгийн уясан Г.Бат-Эрдэнийн "Ерөөл хүрэн" азарга хурдаллаа.

Айргийн гуравт Хөвсгөл аймгийн Бүрэнтогтох сумын харьяат Б.Лхагва-Очирын уясан Д.Отгонлхагвын хүрэн, Айргийн дөрөвт Орхон аймгийн Баян-Өндөр сумын харьяат, Аймгийн алдарт уяач Н.Норовжамцын уясан Ч.Батжаргалын "Зээрэн зээрд", Айргийн тавд Өмнөговь аймгийн Цогтцэций сумын харьяат, Монгол Улсын Тод манлай уяач Б.Лхагва-Очирын уясан Өмнөговь аймгийн Цогтцэций сумын ААУ Б.Тогтохын халзан азарга хурдаллаа.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ