Я.Содбаатар МАН их хурлаа есдүгээр сард зохион байгуулахаар ажиллаж байна

Өнөөдөр МАН-ын Ерөнхий нарийн бичгийн дарга Я.Содбаатар төрийн ордонд сэтгүүлчдийн зарим асуултад хариулт өглөө. Энэ үеэр Улс төрийн намын тухай хуульд нийцүүлэх үүднээс намын дүрмийн шинэчлэлийг хийж байгааг хэлсэн. Мөн МАН-ын 31-р их хурлыг зохион байгуулахаар төлөвлөсөн байна.

Нам бол энэ ондоо багтаж бид нар намын 31-р Их хурлыг зүйлшгүй хийнэ. Намын их хурлыг бид нар урьдчилсан байдлаар 9-р сард гэж тооцсон. Тиймээс намын дүрэмд 45 хоногийн өмнө хурлыг зарлах ёстой. Энэ агуулгаар бол ойрын өдрүүдэд намын бага хурлыг хийж Их хурлаа зарлах бодолтой байна. Мөн нам их хурлын бүрэн эрхэнд намын даргын асуудал, хяналтын ерөнхий хорооны асуудал, бага хурлын асуудал бүгд байдаг. Тиймээс бүх улс төрийн намуудад энэ асуудал тулж байгаа байх гэж бодож байна. Нөгөө талдаа бол улс төрийн намын тухай хуулиар бол улс төрийн намын удирдах албан тушаалд эмэгтэй квотын асуудал буюу жендерийн асуудал орж ирж байгаа. Энэ бол Монголын улс төрийн намуудыг төлөвшүүлэхэд их чухал жил болно гэж харж байна. гэв.