Бүгд Найрамдах Австри Улсын Ерөнхийлөгч Чингис хаан үндэсний музейд зочиллоо
Монгол Улсын Ерөнхийлөгчийн урилгаар Монгол Улсад төрийн айлчлал хийж буй Бүгд Найрамдах Австри Улсын Ерөнхийлөгч Александр Ван дер Беллен Чингис хаан үндэсний музейд зочиллоо.
Хүндэт зочдыг Чингис хаан үндэсний музейн захирал С.Чулуун угтан авч, музейн танхимуудаар зочлуулж, манай улсын түүх, соёлын өвийг дэлгэрэнгүй танилцууллаа.
Бүгд Найрамдах Австри Улсын Төрийн тэргүүн, гэргийн хамт музейн үзмэрүүдтэй танилцаж, Чингис хаан үндэсний музейн “Хүндэт зочны дэвтэр”-т дурсгалын үг бичиж, гарын үсгээ зурлаа.
Монголын түүхэн чухал сурвалж болох 1398 онд бичигдсэн “Төмөр Хутлуг хааны зарлиг” хэмээх бичгийн эх хувь Австрийн үндэсний номын санд хадгалагдаж байгаа бөгөөд “Чингис хаан” музей анх байгуулагдах үед буюу 2020 оны 06 дугаар сард бичвэрийн албан ёсны хуулбарыг музейн сан хөмрөгт оруулсан нь хоёр улсын соёлын салбарын хамтын ажиллагаа, өвийн хадгалалт, таниулан сурталчлах ажилд чухал ач холбогдолтой болсон юм.
Бүгд Найрамдах Монгол Ард Улс, Бүгд Найрамдах Австри Улсын Засгийн газар хооронд 1979 оны 10 дугаар 16-ны өдөр “Соёлын хамтын ажиллагааны тухай хэлэлцээр”-ийг байгуулсан.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
"Мөнгөн хазаарын чимээ" яруу найргийн шилдгүүд тодорлоо
Төрийн банк: "Модыг мод(а) болгоё:-амжилтаа бататгая, ажилтан бүр нэг мод" аяны хүрээд хаврын мод тарилтаа хийлээ
ТАНИЛЦ: Найрамдал зуслангийн 2026 оны ээлжийн хуваарь, үнэ
Төрийн банк олон улсын зах зээлд 100 сая ам.долларын нэмэлт бондыг амжилттай гаргаж, ногоон ирээдүйн санхүүжилтийг түүчээлэв
Төрийн банк “Бяцхан хадгаламж Том эхлэл” урамшуулалт аяныг зарлалаа
Ирэх арав хоногт цаг агаар ямар байх вэ?
Нийтийн албан тушаалтан хахууль авсан хэргүүдийг шүүхэд шилжүүлжээ
Сэтгэгдэл бичигдээгүй байна