Л.Гантөмөрийн "шаналан"

АН-ын дарга Л.Гантөмөр хамтарсан засагт орж, Шадар сайд болсныхоо горыг ч өдөр бүр амсдаг болж дээ.
Угаасаа найман жил гудамжинд лааз өшиглөсөн намынхан нь бүгд л ажилтай болж, албан тушаалд тухлахыг бодож байгаа нь гарцаагүй. Атал АН-ын гишүүд арай олуулаа болохоор бүх Л.Гантөмөр бүх гишүүнээ баярлуулж чадахгүй нь тодорхой.
Ядах нь ээ, АН-ын гишүүд бусадтай адил хайрцаглагдаж, буруугаа дотооддоо хэлэлцдэг хүмүүс ч биш. Дотоод ардчилалтай хэмээн хаа сайгүй цээжээ дэлдэж явдаг.
Сүүлийн өдрүүдэд Л.Гантөмөрийн парламентын сонгуулийн жагсаалтад багтаасан Ц.Мөнхтуяагийн ёс зүйгүй үйлдлүүд, УИХ-ын гишүүнээс хэзээ, мөдгүй татагдах дөхөөд буй Д.Цогтбаатар, хамтарсан засгийг огцруулах санаачилга гаргасан Ч.Лодойсамбуу гээд АН-ын даргын “шүд, толгойн өвчин” мэт болсон хүн олон бий.
Намын удирдлагууд нь өөрийг нь тоохгүй болохоор үсрээд гараад ирдэг өнөөх “Өвөрхангай”-н гэх тодотголтой Т.Хасбаатар АН-ын дарга Л.Гантөмөрөө хөөж явуулаад зогсохгүй, МАН-ынхан түүнийг тосоод ав гэж мэдэгдэх юм байх өө. Хаврын улстөр ч хачин, жигтэй явдлаар дүүрэн байх нь дээ.