Ц.Туваан: Монгол Улс төмөр замын хил холболтуудаа хийвэл 2030 оноос нүүрсний экспортыг 160 сая тонноос дээш гаргана

Засгийн газрын ээлжит хуралдаанаас гаргасан шийдвэрийн талаар танилцууллаа.

Аж үйлдвэр, эрдэс баялгийн сайд Ц.Туваан: Эрдэнэс Тавантолгой өнөөдөр дээд хүчин чадлаараа буюу жилд 30 сая тонн орчим нүүрсийг олборлож экспортод гаргаж байгаа. Төмөр замын бүтээн байгуулалт хийгдэж ашиглалтад орох хүртэл буюу таван жилийн хугацаанд 27 сая тонн нүүрсийг өөрсдийн дотоод эх үүсвэрээ дайчилж одоогийн олборлолтыг нэмэгдүүлэх байдлаар олборлоно. Цаашид 2030 оноос Монгол Улс төмөр замын хил холболтуудаа хийвэл жилийнхээ экспортыг 160 сая тонноос дээш гаргах зорилго тавьсан байгаа. Тэгэхээр бид зайлшгүй шинэ орд газар ашиглах буюу шинэ ам нээж тэндээсээ нэмэлт олборлолт хийж гаргах асуудал байгаа. Уурхайн хүчин чадал нэмэгдүүлэх тал дээр тодорхой өөрчлөлт ороогүй гэв.