“Лус”-ын эзэн худаг Б.Пунсалмаа жагсаалтын квотоо 7 тэрбумаар халаасалжээ

Гэр хорооллын хөгжлийг худгаар хэмжиж явсан М-Ойл группийн гүйцэтгэх захирал Б.Пунсалмаа энэ удаагийн сонгуульд дахин нэр дэвшихээр болжээ.

Мань эмэгтэй 2020 онд УИХ-ын сонгуулийн 27 дугаар тойрог буюу Сонгинохайрхан дүүрэгт АН-аас нэр дэвшиж “гудамж болгоны эхэнд худаг тавина” хэмээн амьтан, хүний элэг доог болж байсан түүхтэй.

Тухайн үед тэр УИХ-ын гишүүн болохын тулд асар их хэмжээний мөнгийг Сонгинохайрхан дүүрэгт цацсан ч түүнийг сонгоогүй.

Учир нь Б.Пунсалмаа гэр хорооллын нөхцөл байдлыг мэдэх нь бүү хэл тухайн тойрогтоо хэдэн гудамж, хэдэн худаг байгааг ч мэдэхгүй мөнгөндөө бярдаж “гудамж болгоны эхэнд худаг тавина” хэмээн тархиныхаа багтаамжийг харуулж байв.

Тэгвэл тэр эмэгтэй энэ удаагийн УИХ-ын сонгуулиар тойрогт бус АН-ын жагсаалтын эхний 10-т бичигдэж, жагсаалтын квотоо 7 тэрбум төгрөгөөр халаасалжээ.

Нэгэнт сонгуульд өрсөлдөхийн тулд тойрогт хүч, нэр нүүр нь мөхөстөж, тохирохгүй, чадахгүйгээ мэдсэн Б.Пунсалмаа жагсаалтыг илүүд үзэн баргийн баян хүний гаргаад өгчхөж чадахгүй 7 тэрбум төгрөгөөр УИХ-ын гишүүн болохоор зүтгэж байгаа нь энэ.

Хэдий мөнгөтэй хүн лаагаа иднэ үү, луувангаа иднэ үү хамаагүй ч энэ мэт амьдрал мэдэхгүй баян эмэгтэй, мөнгөөр парламентын суудал худалдаж авчхаад дараа нь тэр хөрөнгөө хэрхэн эргүүлж авах нь ч ойлгомжтой. Тиймээс мөнгөөр зодож, жагсаалтаар дэвшигчдийн тохуурхлаар улс орноо хохироомооргүй байна.