МАН сонгинохайрханчуудыг басамжилж байгаагийн илэрхийлэл

Moderator

2024/01/10

УИХ-ын 2024 оны сонгуулийг томсгосон тойргоор зохион байгуулахаар болсон. Гэхдээ нийслэлд дүүргүүд хүн амын тооноос шалтгаалан дангаараа тойрог болж байгаа. Хамгийн олон хүн амтайд тооцогддог СХД-ийн хувьд таван мандаттай.

Энэ жил МАН-аас УИХ-ын гишүүн Э.Батшугар улирч, Соёлын сайд Ч.Номин, Засаг дарга Н.Алтаншагай, Нийслэлийн Ерөнхий менежерээр томилогдсон Ц.Төрхүү, ХЗДХ-ийн сайдын зөвлөх Д.Мөнх-Эрдэнэ нар нэр дэвшинэ хэмээж байгаа аж.

Орон нутгаас шилжин ирэгсэд ихтэй СХД-ийн сонгогчдыг улстөрийн намууд боловсрол муутай гэж үнэлэх нь их болжээ. Тиймээс ч гэр хороололд ч амьдарч үзээгүй, хотын захын ахуй, амьдралыг огтоос мэдэхгүй хүмүүсээ илгээх гэж байна.

Э.Батшугар болон Ч.Номингийн хувьд угаас тойргоо услаад удаж байгаа. Н.Алтаншагайгийн хувьд дүүрэг болон улсын төсвийн хөрөнгөөр хийсэн бүх ажлаа өөрөө хийж байгаа мэт сурталчилсаар хэдэн жил болж байна. Үнэндээ дүүргийн Засаг дарга, УИХ-ын гишүүн байх хоёр шал өөр үүрэгтэйг ч мэдээгүй л яваад байх шиг байгаа юм.

Дараагийнх нь Ц.Төрхүү. Толгойт орчмын унаган “хүүхэд”. Он гармагц Хотын ерөнхий менежерээр томилогдсон. Д.Мөнх-Эрдэнийн хувьд өмнө нь Д.Сумъяабазарыг Хотын дарга байхад нь зөвлөхөөр нь ажиллаж байгаа одоо ХЗДХ-ийн сайдын зөвлөх болчихсон яваа.

Тэдний хувьд сонгуулийн сурталчилгааны 14 хоногт өөрсдийгөө таниулж амжихгүй ч МАН-ын нэрээр, магадгүй ахиухан аяга, тавга тараасан нь УИХ-ын гишүүн болно гэсэн мөрөөдөлтэй сууж байх шиг байна даа.

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

103.10.23.120

2024/01/11

Мөнхэрдэнэ л байна бусад нь зүгээр зайл.
Хариулах
103.57.93.103

2024/01/11

Шилдэг залуусаа явуулж байгаа юм бна өрсөлдөгч намынхан барахгүй дээ
Хариулах