Эрээн дээлт эргэн ирэхээр хишиг тарааж эхэллээ

Экс Ерөнхийлөгч Х.Баттулга улстөрд хөдөлгөөнд орж, ойрын хүрээний дэмжигчдээ, МоАХ-ны гишүүдээ гадаадад аялуулж, гахай шувууны махаар дайлж эхэлжээ. Өөрөө бол нүүрсний хэргээс холуур өнгөрчих санаатай гадаадад голдуу байгаа.
Х.Баттулга өөрийгөө цэвэр авч үлдэхийн тулд эхлээд АН-д өөрийн байр сууриа бататгахаар энгийн гишүүд болон одоогийн парламентад суугаа С.Ганбаатар, А.Адъяасүрэн болон АН-ын дэд дарга Ш.Түвдэндорж, П.Галиндэв, Нийслэлийн Ардчилсан намын дарга Т.Батцогт, АЗХ-ны ерөнхийлөгч Б.Ган-Очир нарыг ч мөн хөдөлгөөнд оруулаад байгаа аж.
АН-д байр сууриа эзэлсэн хүмүүс нь ч яах вэ, угаасаа “Женко”-гоор овоглогдоод удаж байгаа. Тэдэндээ хүч нэмэх үүднээс баянхонгорчууд болон АН-ын энгийн гишүүддээ “Өнгөрсөн жил улс даяар тойрч “Хөх туг” гээч аян зохион байгуулсныг мартаагүй биз дээ” гэхчлэн үг дайх болсон байна.
Энэ нь Х.Баттулгад дэмжлэг болохоос гадна мань хүн чимээгүйхэн гэтэж байгаад УИХ-ын сонгуульд АН-аас жагсаалтаар орохоор гэнэт үсэрч гарч ирэх тактиктай нь холбоотой гэдгийг зарим эх сурвалж өгүүлж байгаа юм.

.