Тэр нүүрсний хамгийн сонирхолтой эх сурвалж

“Нүүрсний хэрэг”-ийн эхний сонсголд "Эрдэнэс Тавантолгой" ХК-ийн Гүйцэтгэх захирал асан Б.Ганхуягийг гэрчээр оролцуулах тухай асуудал хөндөгдөж, олны  анхаарал энэ хүн дээр тусч байсан.  Гэсэн ч түүнийг оролцуулаагүй.

Гэхдээ тэр хамгийн сонирхолтой эх сурвалж. Ямар үүц задлах нь маш их анхаарал татаж байгаа.

Тэр шоронгоос “ Бүгдийг чинь илчилнэ. Би их юм мэдэж байгаа...” гэх өнгө аястай зүйл ярьсан нь олны  анхаарлын төвд ч орж, ороо бусгаа нөхдийн зүрхэнд ч  шар ус хуруулсан.

Нөгөө нэг сонирхолтой нөхөр нь Эдийн засаг, хөгжлийн сайд Ч.Хүрэлбаатар.

Тэр “Нүүрсний хулгайчид, тэднээс санхүүжигчид миний тухай хэсэг ярьж, бичиж, сэвсэн. Би ч нэлээд хулгайч нарын “алтан” шүдэнд нь зуугдаад удаж байгаа. Хууль, ёсыг уландаа гишгэж, бурууг зөв болгож, зөвийг буруу болгох “мунаг” хүсэлдээ хөтлөгдсөн та нарын бодол хүсэл биелэхгүй, бүтэхгүй гэдгийг хэлье” гэсэн. Түүний ийнхүү хэлсэн нь  олныг төөрөгдөлд оруулсан гэхэд болно.  Учир нь тэр хэлж байгаа шигээ хүн биш. Ах дүү нь хүртэл элдэв бусын асуудалд орооцолдож, Монгол Улсын хууль дүрэм журмыг үл тоож байсныг бултаараа сайн мэднэ.

Тэгээд ч нөгөө “Хотгор шанага” энэ тэр гээд  зэгсэн их асуудал энэ хүнд байдаг болохоор яалт ч үгүй анхаарлын төвд  байгаа эрхэм бөгөөд зөвхөн эндээс л харахад “Нүүрсний хэрэг”-ийн сонсгол  үр дүнтэй болkх нь гэж харагдаж байгаа тул булт олон чих тавин хүлээж байна. Хэрхэхийг харцгаая, хүлээцгээе.