​ Хэтэрхий омголон монголчууд хиймэл оюун ухааны өмнө сөхрөх вий

УИХ-ын 2024 оны сонгууль хэдхэн сарын дараа болно. Энэ сонгуульд зориулсан сурталчилгаанд монголчууд хэрсүү хандахгүй бол хэнийг ч төрд залж мэдэхээр болсныг өнгөрсөн амралтын өдрүүд илтгэлээ.
Тодруулбал, Монгол Улсын Ерөнхийлөгч У.Хүрэлсүх хятад хэлээр мэндчилгээ дэвшүүлсэн талаар цахим орчинд цуурч, шуурлаа. Мэдээж тухайн цаг үед нь Ерөнхийлөгчийн хэвлэлийн албаны ажилтнууд ч цахим орчинд залруулж байгаа нь харагдсан. Энэ нь цахим орчинд хиймэл оюун ухааны программ ашиглан Монгол Улсын Ерөнхийлөгчийг хоолойг оруулсан үйлдэл гэдгийг ч тайлбарласан.
Яг үүнтэй адил бид ирэх сонгуулийн үеэр хэний ч, ямар ч мөрийн хөтөлбөр, амлалт, сурталчилгааг сайтар нягтлахгүй бол хууртах магадлал өндөр.
Бид өмнө нь буюу УИХ-ын 2016 оны сонгуулийн дараахнаас эхлэн ганц бичлэгийн мөн, бишийг нягтлах гэж багагүй цаг хугацааг өнгөрөөж байв. Тэр нь өнөөх “улсын баатар” болохоо шахсан Г.Доржзодов. Сонгуулийн өмнөх уулзалтын үеэр бичлэг хийж, түүнийгээ ил болгож, өөрийгөө шударга үнэний дуу хоолой хэмээж байсан нь саяхан.
Бид улстөрийн зорилгоор ашиг хонжоо хайж явсан түүнд итгэж, хэчнээн ч хүн хэлмэгдэн, хэдэн жилийн амьдралаа үгүй хийсэн билээ. Энэ талаарх мэдээллийг бид цахим орчноос хайгаад төвөггүйхэн мэдчих боломж одоо нэгэнт бий болсон.
Гэтэл ирэх сонгуулийн өмнө хиймэл оюун ухааны “гайхамшиг” хэтийдвэл ямар аюулд хүргэхийг ч бас мэдэрлээ.
Тэгэхээр ирэх УИХ-ын сонгуулийн сурталчилгааны үеэр монголчууд нийтээрээ нягталж, итгэхгүй Монгол Улсын хувь заяаг хэнд ч атгуулчхаж мэдэх эрсдэлтэй учрахаар байна.