Photo Paparazzi ••• "Ганган хүүхэн хавар намраар" гэж...

"Ганган хүүхэн хавар намраар" гэдэг шиг Идэр еснөөрх уртын дуучны ГАНГАРАА анхаарал татаж манай папараццид өртлөө. Ардын язгуур урлаг бол монгол түмний ялгарал билээ. Үндэсний өв уламжлалаас улбаалсан бүхэн олон улсын сонирхлыг татаж байна. Уртын дууч Б.Билгүүн Австрали улсад зохион байгуулагдсан соёл урлагийн наадамд амжилттай оролцсон ч, даруухан нь дэндээд чимээгүй өнгөрөөсөн байна. Арван жилийн сурагч байхаасаа тэрээр дуулж эхэлсэн гэнэ. СУИС-ыг уртын дууч мэргэжлээр дүүргэсэн юм. Монгол туургатан хип хопчдын нэгдэж дуулсан “Тоонот” бол үеийн үед үлдэх өвийн хэмжээний бүтээл. Тэрхүү дуунд сонгогдсон явдал ч Билгүүний чансааг илтгэх биз ээ. Сүүлийн үед хилийн чанадад зохион байгуулагдаж буй урлагийн наадмуудад уртын дуучдаас Билгүүн л эх орноо төлөөлөн оролцдог уламжлалтай боллоо. Өөрөөр хэлбэл залуу үеийн төлөөлөл, нэгэн сод авьяастан алдрын зам руу чимээгүйхэн хөдөлмөрлөн мацаж буй нь бахархалтай. Уртын дуучин бүсгүйн маань поп чиглэлээр уран бүтээлээ туурвиж эхэлсэн нь нэлээд олны анхаарал татаад байна.