Photo Paparazzi ••• “Guys” хамтлаг 25 нас хүрчээ

1997 оны энэ өдөр СУИС-ийн кино драмын ангид дөрвөн хөвгүүн тойрч суугаад “GUYS 666” нэртэй хамтлаг байгуулсан нь өдгөө 25 жилийн ой нь тохиож байна. Тухайн үед мэргэжлийн жүжигчдээс бүрдсэн, тайз дэлгэцийн болон дуу, хөгжмийн олон уран бүтээлд үргэлж бүтээлч, өвөрмөц сэтгэлгээгээр ханддаг хамтлаг байгаагүй учир залуусыг байлдан дагуулж чадсан юм. Энэ хугацаанд олон арван цомог гаргаж, аялан тоглолтоо хийсэн хамтлагийн залуус 2016 онд хэвлэлийн бага хурал зарлаж, албан ёсоор гурван гишүүнтэй болсноо дуулгасан билээ. Учир нь, тус хамтлагийн гишүүн байсан Х.Бат-Ундрал хар тамхины хэрэгт холбогдсоноор хамтлагаасаа албан ёсоор гарсан байдаг юм.

“Guys” хамтлаг 25 жилийн ойдоо зориулж шинэ залуу уран бүтээлчдээ дэмжин өөрсдөө үгийг нь бичиж, аяыг нь зохиосон 20 уран бүтээлээ дуулуулж байгаа аж. Тухайлбал, дуучин Хишигдалай, Зоригт “Цас”, “Gangbay” хамтлаг “Манан”, реппэр Don Dior, дуучин Өрлөг “Чамдаа” зориулъя дууг дуулжээ.