Н.Төгсцогт шөвгийн наймд шалгарлаа

Боксын 52 кг-ын жинд манай улсын тамирчин Н.Төгсцогт Италийн тамирчин Винсензо Пикардиг 17:16 харьцаатайгаар яллаа.  

Эхний раундад 4:6-аар өрсөлдөгч нь илүүрхсэн ч сүүлийн хоёр раундад манай боксчин 6:4, 7:6-аар өрсөлдөгчөө ялж, ийнхүү шөвгийн наймд шалгаран үлдлээ. Тэрбээр наймдугаар сарын 7-ны өдрийн 20:45 буюу манай цагаар 8-ны өдрийн 03:45 цагт  Узбекистаны боксчин Жасурбек Латиповтай тулалдана.

Монгол Улсын Гавьяат Тамирчин Н.Төгсцогт 2009 оны Миланд болсон ДАШТ–ий мөнгөн медальт
2010 оны Дэлхийн Оюутны АШТ–ий алтан медальтай юм.