Дуучин Болдын авьяаслаг бүсгүйчүүд манай дуранд өртлөө.Төрийн соёрхолт Д.Болдын хувьд Монголын хөгжмийн ертөнцөд монгол поп урсгалыг нутагшуулж, “B” продакшныг байгуулан шинэ залуу артистуудыг бэлдсээр байна. Түүний шавь нар “Z”  үеийн сонсогчдыг байлдан дагуулж, Монголын хөгжмийн ертөнцөд хүч түрж, хөг нэмэн дүрэлзсээр. “B” продакшны шинэхэн, залуухан артистуудын нэг бол Н.Энэрэлсайхан, харин уран бүтээлийн нэр нь Nene. Мөн л “Voice of Mongolia” шоунаас  анхны хамтлаг төрсөн түүхтэй.  Шоуны дараа охид албан ёсоор “B” продакшинд харьяалагдах болж, продюссер Д.Болд охидын хамтлагтаа “NS” гэсэн нэр өгчээ. Тэд хамтдаа байхдаа илүү хүчтэй, үзэсгэлэнтэй харагддаг. Хамтлагийн хувьд анхны уран бүтээл нь  “Дон дон” хэмээх дуу. 2017 онд “Universe Best Songs” шоунд оролцож тэргүүн байрыг хүртэж байсан авьяаслаг оролцогч Б.Анужин мөн түүний артист болсон.  Нандин нугалаа, торгомсог өнгө, чадалтай хоолойтой дуучин бүсгүй маань “The Voice of Mongolia” шоуны монгол дууны шатанд “Хөдөөгийн сайхан талд зорино” дууг дуулсан нь олны талархлыг ихэд хүлээсэн билээ. Залуу уран бүтээлчиддээ  цаашдын зорилго, хүсэл мөрөөдөлд нь том амжилт хүсэе.