Photo Paparazzi ••• Найруулагч Б.Батбаатар:Солонгосын “Film Fun” кино компанитай хамтарч “Сүүдрээр гэтэгч” киног гурван жилийн хугацаанд бүтээлээ

Монгол, БНСУ-ын уран бүтээлчдийн хамтарсан “Сүүдрээр гэтэгч” уран сайхны кино өчигдөр /2022.01.13/ нээлтээ хийлээ. “Тоонот пикчерс”-ийн үүсгэн байгуулагч, найруулагч, жүжигчин Б.Батбаатарын бүтээл болох “Сүүдрээр гэтэгч”уран сайхны кинонд БНСУ-ын 10 гаруй жүжигчин тоглосон бөгөөд гол дүрд И Соль Гү, Са Вүү, Ен Дун Хунг, Мин Жү Хүг нар тогложээ. Харин Монголын талаас жүжигчин Э.Пүрэвжаргал, Б.Батбаатар, Д.Мөнхтөмөр, Д.Баярчимэг нар гол дүр бүтээжээ.

Нээлтийн үеэр найруулагч Б.Батбаатар хэлэхдээ,  "Манай уран бүтээлчид гадаад дотоодын олон уран бүтээлчтэй хамтарсан уран бүтээл хийж байгааг та бүхэн мэдэж байгаа. ОХУ, БНХАУ, АНУ-ын уран бүтээлчидтэй хамтран ажиллаж байна. “Тоонот пикчерс”-ийн хувьд Солонгосын “Film Fun” кино компанитай хамтарч “Сүүдрээр гэтэгч” киног гурван жилийн хугацаанд бүтээлээ. Энэ киноны хийц, хэв маяг, зураг авалт их өвөрмөц болсон. Солонгосын нэлээд том бүрэлдэхүүн Монголд ирж зураг авалт хийсэн. Солонгост бас зураг авсан" гэв