Ховдын хүчтэн хүү нутгийн брэндийн наймаа хийсээр...

Энэ цагийн шилдэг бөхчүүдийн нэг Ховд аймгийн Буянт сумын харьяат Монгол Улсын харцага Оргихын Хангай олон сайхан барилдаануудаараа Монгол түмнээ баясгасаар байгаа билээ. Түүнийг ирээдүйн аварга хэмээн харах хүмүүс ч олон бий. Ийн олон түмний хүндлэл хүлээсэн О.Хангай нутгийнхаа тэр тусмаа аавынхаа тарьж ургуулсын тарвасыг рекламдан зарж байгаа нь сошиалаар ихэд хурдацтай тархаж байна. Тэр цахим хуудаснаа Аавын минь тарьсан Ховдын амтат тарвас баруун аймаг явах тойргийн ойролцоо буулгалаа. Би энд 2 өдөр өнжих тул авах хүмүүс холбогдоорой. Нэг уут нь 30000 төгрөг, ойролцоогоор 30кг. Нэг уутнаас дээш хүргэлттэй” хэмээн постолсон нь маш сайн маркетинг болж чаджээ. Саяхан телевизээс түүнтэй ярилцахаар зорин очсон байна.