“Их-Модун” ХХК-ийн захирал цалин өгөхгүйн дээр ажилчдаа зодож байна

Халх гол сумын бүтээн байгуулалтын ажил гүйцэтгэж байгаа зарим ААН-үүдэд анхаарлаа хандуулах цаг болжээ. Ерөнхийлөгчийн айлчлалын үеэр хэлбэр төдийхнөөр хуурч, цаана нь ажилчдын эрх маш ноцтойгоор зөрчигдөж байна. Тухайлбал  Халх гол сумын бүтээн байгуулалтын ажлыг гүйцэтгэж байгаа Их-Модун ХХК-ийн ерөнхий захирал Цогтсэргэлэн гэгч нь ажилчынхаа цалинг гурван сар өгөөгүй дээр нь ажилчид нь хоол унд байрны түрээсний мөнгөгүй улмаас голын эрэг дээр хонож ажиллаж байсан байна. Гэтэл ийм дээрээ тулсан ажилчдаа цалингаа нэхэж очхоор нь  Цогтсэргэлэн гэгч нь хэл амаар доромжилж, хүндэвтэр гэмтэл учиртал зоджээ.