Нярай хүү ээжийнхээ амийг аваржээ

Английн Ливерпүүл хотын оршин суугч Жоан Карр (Joanne Carr)-ийн нэг ойтой хүү Дуджи нь баруун хөхний сүүгээр хооллохгүй зөвхөн зүүн хөхнөөс нь хооллох болсонд гайхсан бүсгүй эмчид ханджээ. Нарийн шинжилгээ хийлгэсний эцэст хөхний хорт хавдартай болсноо мэдсэн 37 настай бүсгүй мэс ажилбар болон хими, туяаны эмчилгээ хийлгэн эрүүл саруул болсон байна.“Би “дахин төрсөндөө” хүүдээ талархаж явна. Энэ бол жинхэнэ ид шид. Хэрвээ миний бяцхан Дуджи байгаагүй бол би хорт хавдартай болсноо хожуу мэдэж, хугацаа алдах байсан. Хүү минь л миний амийг аварлаа” хэмээн хатагтай Карр сэтгүүлчдэд хэлжээ.