С.НЯМ-ОЧИРЫН НҮҮРИЙГ “ЗЭЭЛНЭ”

Энэ жилийн Лондоны олимпийн наадамд Монгол Улсыг төлөөлөн 29 тамирчин оролцож байгаа. Тэдний дунд хоёр ч гэр бүл байгаа юм. Монгол Улсын Хөдөлмөрийн баатар, гавъяат тамирчин Х.Цагаанбаатар, О.Гүндэгмаа нараас гадна Лондоны олимпийн хүрэл медальт С.Ням-Очир найз бүсгүйн хамт энэ удаагийн наадамд оролцож байгаа. Түүний эхнэр эмэгтэйчүүдийн жүдо бөхийн -78 кг-ийн жинд барилдах П.Лхамдэгд юм. Хэдийгээр албан ёсоор гэрлэлтээ баталгаажуулаагүй ч гэсэн тэд таван жил хамт амьдарч байгаа гэнэ.О

УХМ С.Ням-Очир эх орноо төлөөлөн жүдо бөхийн 73 кг-ийн жинд барилдаж олимпийн хүрэл медаль хүртсэн. Монгол Улсаас төрсөн олимпийн 20 дахь, Монголын жүдогийн зургаа дахь медальтан түүний талаар BBC-ийн тайлбарлагч нар “Ямар сайхан инээмсэглэдэг хүн бэ. Хэн нэгний нүүрийг зээлэх болбол энэ залуугаас гуйна” гэцгээж байжээ.Харин япончууд “Жүдо бөхийн эрэгтэйчүүдийн 73 кг-ийн жинд медаль авсан дөрвөн бөхийн хоёр нь Ази хүн байгаад баярлаж байна” гэжээ.

Эх сурвалж ТВ7ХОНОГ сэтгүүлээс