К.Роналдогийн шинэ хаустай танилц

2018 оны ДАШТ-ий дараагаар “Реал”-аас явж, “Ювентус”-ийг сонгосон португали хөлбөмбөгч Италид хэдийн төвхнөөд амжсан. Роналдо ямар байр сонгосныг мэдэх гэсэн шүтэн бишрэгчдийнхээ хүсэлтээр шинэ гэрийнхээ зарим зургаас хуваалцжээ.

Турин хотын Гран Мадре ди Дио сүмээс холгүй ногоон толгод дээр орших түүний шинэ байшин 800 кв.м талбайтай. Хотыг бүхэлд нь тольдож болох, орчин үеийн дизайн шийдэлтэй уг байшин Роналдод шууд л таалагдсан байна. Шинэ байр мэдээж Роналдогийн шаардлагад нийцэхүйц усан сан, спортын талбайтай, хоёр ч хаалгатай. Хөлбөмбөгч Мадрид дахь байрнаасаа өөрийн таашаадаг хуучин тавилгуудаа авчирч суурилуулсан гэнэ.