“SKey” хамтлагийн охид алдарт “Le Furet” брэндийн нүүр царайгаар тодорчээ

Насан багадаа найзалж нэгэн зорилгын төлөө гар барин тэмүүлсэн үе тэнгийн гурван охин “SKey” нэртэй хамтлаг байгуулан монголын рок попын ертөнцөд цахиур хагалан орж ирснийг дуулгахад таатай байна. Рок попынхондоо дундаа отголж хамтлаг болсон тэд шувууны бага нь адтай гэдэг шиг Франц Улсын алдарт “Le Furet” брэндийн нүүр царайгаар хүртэл тодроод амжжээ. Дарсны эх орон гэгддэг Франц Улсын алдарт “Le Furet” брэндийн виски, дарсны компани нь дэлхийн зах зээлд хэдийнэ танигдсан брэнд. Харин энэ брэндийн нүүр царайгаар монгол охид тэр дундаа “SKey” хамтлагийн охид тодорсон нь зүгээр ч нэг аз биш. Шинэлэг дүр төрх, содон аялгуугаар монголын рок попын урлагт хүч түрэн орж буй ““SKey” хамтлаг тун удахгүй Ази төдийгүй дэлхийн хэмжээний супер стар болно гэдэгтэй итгэлтэй байна. Охидын хамтлагийн шинэхэн уран бүтээлийг хүлээн авч сонирхоно уу.