Шинэхэн МУАЖ Г.Равдан: Би өөрөө баярлахаас гадна олон хүнийг баярлуулж байгаа юм байна

Олон жил ард түмнийг дуу хоолойгоороо баярлуулж,  дотно болсон Г.Равдан гуай өнөөдөр төрийн ордноос Адын жүжигчны цол тэмдэгээ энгэртээ зүүлээ. Тэрээр баярын сэтгэгдлээ ийн хуваалцлаа

Г.Равдан: Би мэргэжлийн урлагийн байгууллагт 43 дахь жилдээ ажиллаж байна. Өнөөдөр төр түмнийхээ өндөр их хайр хүндэтгэлийг хүлээж манай тэнийн баярлаж байна. Би өөрөө баярлахаас гадна олон хүнийг баярлуулж байгаа юм байна. Радио телевиз, тайз дэлгэцийн урлагаар дамжуулаад миний уншиж хүргэснийг сонсдог, сонсогч олон түмэн минь мөн баярлаж байгаа байх. Та бүхэндээ туйлаас их баярлаж байна. Равдангийн дуу хоолойгоор монголын олон сайхан зохиолч, яруу найрагчдын зохиол бүтээл хүрсэн учраас мөн баярлаж байна. Төрүүлж өсгөсөн аав ээж, өсөж торнисон уул ус хангай дэлхий мөн баярлаж байгаа байх.