“Ажнай” Д.Бат-Эрдэнийн ховор үзэгдэл

Монголын морины хорхойтон хөрөнгөтөн нэг бол Ажнай группын ерөнхийлөгч Д.Бат-Эрдэнэ юм. Жижиг таван толгойн асуудлаас болж нэлээд хэл аманд орж байсан энэ эрхэм хурдан морь үзэж,уралдуулж ядаргаа стрессээ тайлдаг гэх юм билээ. Үнэтэй машин, үнэтэй морь, үнэтэй брэнд гээд бүхий л зүйл нь “баян” тодотголыг илэрхийлэх Д.Бат-Эрдэнэ саяхан манай папарацци дуранд өртлөө. Наадам дөхсөн энэ цаг дор уяачдынхаа гал хэсэн олны хөлөөс хол морьдоо харсан шиг явах Д.Бат-Эрдэнэ олны өмнө ийн явж байгаа нь үнэхээр ховор зураглал гэлтэй. Хурдан морины хийморьт сүсэглэж явдаг тэр группынхээ нэрээ “Ажнай” хэмээн нэрийдсэн бас л учиртай биз. Дашрамд дуулгахад морио гардаж уяагүй, нэр уралдуулсаар байгаад цолонд хүрсэн нэлээд хэдэн хүмүүс байдгийн нэг нь энэ эрхэм. Монгол Улсын Тод Манлая Уяач гэх эрхэм цолтой шүү дээ. Насаараа морь уяж, хөхөрсөн хөдөөгийн өвгөдөд энэ цол тэртээ тэнгэрт байдаг хэргэм дээ.