“Сансар”-ын босс хөл бөмбөгийн улаан фанат...

Монгол түмэн “Сансар” сүлжээ дэлгүүрээр нь илүү мэдэх Алтан жолоо группын ерөнхийлөгч В.Энхбаатар энэ цагийн толгой бизнесмэнүүдийн нэг. Анх 1992 онд авто машины худалдаа, үйлчилгээний чиглэлээр бизнесээ эхлүүлсэн тэр нийгэм, эдийн засгийн хөгжилтэй хөл нийлүүлэн урагшилсаар өдгөө тэргүүний худалдаа, үйлчилгээ, үйлдвэрлэл, барилга зэрэг олон салбарт үйл ажиллагаагаа тэлсэн үндэсний хэмжээний групп болтол өргөжүүлсэн сүйхээтэй эр. Анхлан авто машины чиглэлээр бизнест хөл тавьж байсан болхоор ч тэр үү  авто машинд их сонирхолтой гэнэ лээ.  Түүний цуглуулганд ховор нандин нэлээд хэдэн төмөр хүлэг байдаг гэж мэдэх нэг нь ярих юм билээ. Бас  яахаас ч буцдаггүй нэгэн хобби нь хөл бөмбөг аж. ДАШТ-2018 эхэлсэнтэй холбогдуулан хөл бөмбөгийн улаан фанат Энхбаатар гэх энэ эрхэм үдшийн цагаар  Монголын хамгийн том  Соёолж асарт хөлбөмбөг үзэж цагийг өнгөрүүлэх болсон гэнэ. Тэрээр саяхан тэрхүү асарт саатан буй нь манай папараццид хэрхэн буусныг сонирхуулая.