Эршүүд хоолойтой Реппер Дөлгөөний эргэн ирэлт

"Uiverse Best Songs" тэмцээнээс төрөн гарсан цөөхөн хэдэн чадалтай дуучдын нэг бол реппер Дөлгөөн. Гоо сайхны мэс ажилбар хийлгэж унаган төрхөө өөрчлөөд авсан бүсгүй бие галбиртаа ч мөн өөрчлөлт хийжээ. Эмэгтэйлэг болох хүсэлтэй явдгаа нэгэн ярилцлагадаа дурдаж байсан тэрээр уг хүсэлдээ алхам алхамаар ойртож яваа бололтой. Энхрий царайтай ч эршүүд хоолойтой реппер бүсгүй турсан түүхээсээ охид бүсгүйчүүдтэйгээ хуваалцжээ. Тэрээр өдрийн гурван цагийг дасгал хөдөлгөөн хийхэд зарцуулдаг бөгөөд давхар хоолны дэглэм барьдаг байна. Төмс, будаа, гурил, сахар, давс, өөх тос зэргийг хэрэглээнээсээ хасаж, тахианы цээж мах, жимс, ногоотой нөхөрлөх болсон тэрээр одоогоор БНСУ-д суралцаж байгаа ажээ. Есдүгээр сарын сүүлээр эх орондоо ирэхээр төлөвлөж буй тэрээр ирсэн даруйдаа сонсогчиддоо шинэ уран бүтээлүүдээр бэлэг барих төлөвлөгөөтэй байгаа гэнэ. Өдийг хүртэл ганц бие яваа реппер бүсгүй кинонд тоглох нууцхан хүсэлтэй явдаг ажээ.  Монголчууддаа өөрийн уран бүтээлээ хүргэж байр сууриа баттай олсны дараа Солонгост урлагийн карьер хөөх чин хүсэл ч түүнд байдаг тухайгаа өөрийн нэгэн бичлэгэнд дурдсан байна. 

PAPARATSI.MN