АТГ У.Хүрэлсүхийг өөрийгөө тагнаж, эвлүүлэг хийсэн хэмээн яллагдагчаар татлаа

АТГ-ынхан сар бүрийн 25-ны өдөр мэдээлэл өгөхөөр болжээ. Энэ удаагийн хурлаар цаг үеийн хэд хэдэн асуудлын талаар мэдээлэл өглөө. Тодруулбал Шадар сайд У.Хүрэлсүхийг тагнаж, чагнасан гэх хэргийн мөрдлөгийн явцын талаар мэдээлэл өглөө. Энэ хэргийг шалгуулах хүсэлт тус газар Тагнуулын Ерөнхий газар болон Цагдаагийн Ерөнхий газраар дамжин иржээ. Тус хэрэгт одоогоор 9 хүнийг холбогдуулан шалгаж байгаа аж. Эдгээрээс нь дөрвөн хүнийг нь хууль хяналтынхан саатуулсан бол таван хүнийг гадуур байцааж байна. АТГ-аас өгч байгаа мэдээллээр одоогоор Шадар сайд У.Хүрэлсүхийг тагнаж, чагнасан гэх хэрэг Ерөнхий сайд Ж.Эрдэнэбат холбогдсон гэдэг нь тогтоогдоогүй бөгөөд  Шадар сайд У.Хүрэлсүх нь өөрийн төрсөн дүү У.Отгонбаяр болон  төрөл садны хүмүүстэйгээ хамтран эвлүүлэг хийж, олон нийтийн мэдээллийн хэрэгслээр тараасан байж болзошгүй гэсэн үндэслэлээр нийслэлийн Прокурорын газарт эрүүгийн хэрэг үүсгэхээр саналаа явуулсан гэлээ.