Хөтлөгч Насаад ТВ5 телевиз таалагдсангүй

“Мөрөөдлийн театр”-ын жүжигчин Г.Алтаншагайтай гэр бүл болсноор “TV5” телевизийн ажлаасаа бүрмөсөн хөндийрөөд байгаа сэтгүүлч, хөтлөгч С.Насанжаргалыг танихгүй хүн ховор. Цагтаа тус телевизийн нүүр царай гэгдэж, томоохон шоу нэвтрүүлгүүдийг нь хөтөлж явсан тэрбээр нөхрийнхөө уран бүтээлийг дэмжиж, PR менежерээр нь ажиллах болсон билээ. Үүнээс  хойш таг чигхэн байгаа бүсгүй саяхан өөрийн цахим хуудсаараа дамжуулан ТВ5 телевизэд хандан хэдэн үг хэлээд авлаа. Тэрээр “Сүүлийн үед трансжендер, гомо, бисексуал ч гэх шиг хэн дуртай нь телевизээр гардаг болж. Хувь хүнийг нь ойлгож хүндэтгэж байгаа ч олон нийтийн мэдээллийн хэрэгслээр дэндүү нээлттэй баймааргүй байна. Хүүхэд залууст энгийн зүйл шиг ойлголт төрөхөөр боллоо. Содон зочин оруулах нь сэтгүүлчийн хүсэл байдаг ч одоо больцгоо. Нүүрээ будсан аальгүй залуусыг ядаж зурагтаар хармааргүй байна” хэмээжээ. Хамгийн сүүлд өөрийгөө трансжендер хэмээн зарласан энэ залуу “TV5” телевизид ярилцлага өгсөн нь түүнийг хуучин ажлаа муучилж, олныг гайхашруулахад хүргэсэн бололтой.  Уг телевизээр гардаг Зэвүүн яриа ийнхүү түүнийг бухимдуулаад авлаа.