Дуучин Э.Төрмандахын гэргий О.Гансувд хөл хүнд болсон уу

Оюутан ахуй цагтаа дэр нийлүүлсэн амраг, олны танил дуучин нөхөртөө О.Гансувд “хир” халдаах дургүй нэгэн. Хэдийгээр урлагийн сургуулиа төгсөөд мэргэжлээрээ ажиллаж чадалгүй, дэрсхэн хоёр охиноо асран чамгүй хугацаанд гэртээ суусан тэрбээр ханийнхаа хүчинд бас ч гэж олонд танигдаж яваа. Аатай, чадалтай дуучдын нэг гэгддэг Э.Төрмандах  эхнэрээ урлагийн тайзан дээр нь эргүүлж авчрахын тулд хэд хэдэн дуу зохиож өгсөн түүхтэй юм билээ. Угийн хоолойны чадал сайтай дуучин бүсгүй ч авьяас чадвараа олонд харуулж, алдар хүндтэй дуучин нөхрөөрөө нэрийн хуудас хийх болсон. Түүнийг амжилттай явахын хэрээр хар цагаан хэл ам дагаж, зарим нэгэн хүүхнүүд “Чөтгөр, шулам” хэмээн хочлох нь хэрээс хэтэрчээ. Энэ бүхнийг огтхон ч тоогоогүй О.Гансувд өөрийн зургуудаар “бэлэг” барьж, үзэсгэлэнтэй төрхөөрөө эр нөхрөө хэрхэн чимж яваагаа гайхуулжээ. Харин сүүлийн хэдэн сард хуниас ихтэй нэлэмгэр даашинз, хослолоор гоёх болсон түүнийг хөл хүндтэй болж, гурав дахь хүүхдээ хэвлийдээ тээж буй талаар ойр дотнынхон нь шивэр авир хийлцэж эхэлжээ. Үнэхээр ч дуучин бүсгүй урьд нь ихэвчлэн гоолиг бэлхүүсээ тодотгосон бариу хувцас гоёл сонгодог байсан бол, өдгөө ямар ч үед хэвлийгээ халхалсан сул хормойтой даашинз тэргүүнээр гангарч эхэлсэн нь олны яриаг батлах мэт.