Ч.БАТБОЛД НАРЫГ ЯЛЛАГДАГЧААР ТАТАВ

Шадар сайд У.Хүрэлсүхийг дагаж, мөрдсөн гэх хэрэгт холбогдсон Ч.Батболд, Н.Адьяахүү, Б.Бат-Эрдэнэ нарыг нэг сарын хугацаагаар яллагдагчаар татан, цагдан хорих шийдвэрийг шүүхээс гаргаад байна.

Нийслэлийн Чингэлтэй, Сүхбаатар, Хан-Уул дүүргийн шүүх танхимд өчигдөр энэ хэргийг хэлэлцээд дээрх шийдвэр гаргасан юм.

Шүүхээс Ч.Батболд нарыг гэрч биш яллагдагч гэж үзжээ. Мөрдөх, тагнах ажиллагаанд гар бие оролцсон тул яллагдагчаар татах ёстой гэж үзсэн юм байна.

Иймээс өмгөөлөгчийнх нь зүгээс дараагийн шатны шүүхэд гомдол гаргана гэдгээ мэдэгдээд байна.

Хэргийг гэрчилсэн гэх Ч.Батболдыг Шүүхийн шийдвэр гүйцэтгэлийн ерөнхий газрын харьяа Цагдан хорих 461 дүгээр ангид хорьж буй ажээ.