Кендалл Женнер тайван унтаж болно

Нэрт загвар өмсөгч бүсгүй, Ким Кардашьяны дүү Кендалл Женнер өөрийг нь байнга тарчлааж байсан шүтэн бишрэгч Томас Хаммелаасаа арай гэж нэг юм ангижирчээ. Шүүх солиотой залууг бүсгүйд ойртож болохгүй гэсэн шийдвэрийг гаргав. Энэ залуу хоёрдугаар сараас хойш Кендаллд хайраа илчилсэн захиаг олноор илгээж байсан бөгөөд нааштай хариу аваагүй тул доромжилж, сүрдүүлэх болсон билээ. Загвар өмсөгч бүсгүйн хамгаалагч нар арга буюу сайн эрийг холхон шиг бай хэмээн зөвлөсөн гэдэг. Гэвч ядаргаатай эрийг энэ нь зогсоосонгүй. Томас Женнерыг ээжийнх нь хамтаар элдвээр доромжлох болов. Эцэс сүүлдээ бүсгүйг “Цахим сүлжээний янхан” хэмээн нэрийджээ. Мань хүн Кендалл бүсгүйг хип хоп дуучинтай орооцолдсоныг сонсоод ийнхүү аашлах болсон аж.