ШАДАР САЙД У.ХҮРЭЛСҮХ 1,7 ТЭРБУМ ТӨГРӨГИЙН ХАДГАЛАМЖ ЭЗЭМШДЭГ

Албан тушаалтнуудын хөрөнгө орлогын мэдүүлэг олны анхаарлын төвд байна. Улс эх орон, Ард түмэн нь эдийн засгийн хувьд хүндрэлд орж, өр зээлэнд баригдчихаад байгаа энэ үед төр түшилцэж яваа эрхмүүд хэр хэмжээний хөрөнгө хураачихаад, хэр их хэмжээний орлого олж байдгийг сонирхохгүй хүн гэж байхгүй биз. Бид УИХ-ын гишүүдийн хөрөнгө, бэл бэнчинг та бүхэнд цувралаар хүргэж байгаа. Тэгвэл энэ удаа сүүлийн үед ард түмний хайр хүндэтгэлийг хүлээгээд байгаа У.Хүрэлсүхийг хөрөнгө, орлогоо хэрхэн мэдүүлсэнийг та бүхэндээ хүргэж байна.

Шадар сайд У.Хүрэлсүхийн өөрийн орлого 119 сая 913 мянган төгрөг бол гэр бүлийн гишүүдийн орлого 2 сая 729 мянган төгрөг байна.

Хоёр орон сууцтай бөгөөд энэ нь 162 сая 448 мянган төгрөгөөр үнэлэгддэг аж. Гурван автомашин ээлжлэн хөлөглөдөг байна.

Mercedes Benz ML320-1

Hartley Davidson-1

Lexus570-1

Эдгээр машинууд нь нийлээд 284 сая 058 мянган төгрөгөөр үнэлэгдэх аж. Ашиглах 1.5 га газар эмзшдэг бөгөөд энэ нь ямар үнэтэй нь тодорхойгүй юм байна. Шадар сайд маань 100 сая төгрөгөөр үнэлэгдэх "үнэт эдлэл, урлаг, түүхийн үнэт зүйл" байгаа талаараа тайландаа тусгажээ. Мөн хадгаламжиндаа 1 тэрбум 756 сая 362 мянгөн төгрөгтэй, Эрдэнэс Таван толгойн ХХК-ын 1072 ширхэг хувьцаатай хэмээн хөрөнгө, орлогоо мэдүүлсэн байна.

Ц.Бат-Ирээдүй

ZARIG.MN