Бөхийн барилдааны нэгийн даваа эхэллээ

Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмын нээлтийн үйл ажиллагаа өндөрлөж, үндэсний бөхийн барилдааны нэгийн даваа эхэллээ.

Энэ жилийн үндэсний их баяр наадамд  дархан аварга нэг, улсын аварга дөрөв, улсын арслан найм, улсын гарьд зургаа, улсын заан ес, харцага 23, начин 44 нийт улсын цолтой 95 бөх зодоглож байна.

Аймаг цэргийн арслан 99, аймаг цэргийн заан 19, аймаг цэргийн харцага 23, начин 46, нийт аймаг, цэргийн цолтой 170 бөх уран мэхийг уралдуулан барилдаанаа эхлүүллээ.