Бейонсе охиныхоо нэр төрийг ”сэргээлгэнэ”

Өнгөрөгч долоо хоногт ихэр хүүхдийн эх болсон алдарт дуучин Бейонсе нялх биетэй ч ажил, албандаа орохоос өөр аргагүй байдалд хүрсэн байна. Охин Блю Айвитай нь нэр нэг баяр ёслол болон төрөл бүрийн арга хэмжээг зохион байгуулагч эвент-компанитай шүүхдэлцэх ажилдаа ханцуй шамлан оржээ. Тодруулахад, дуучин бүсгүй өнгөрөгч онд бусад алдартнуудын нэгэн адил охиныхоо нэрийг брэнд болгохыг зорьсон ч бүтэлгүйтсэн билээ. Охиныг нь мэндлэхээс таван жилийн өмнө Вероника Моралес гэгч бүсгүй тийм нэртэй компаниа байгуулж, барааны тэмдгээ баталгаажуулсан байсан аж. Дуучин бүсгүй шүүхэд хандсан ч шийдвэр компанийн талд гарсан юм. Шазруун Бейонсе шүүхийн шийдвэрийг давж заалдан, хэрүүл заргаа үргэлжлүүлж, охиныхоо нэрийг "эргүүлэн" авахыг чармайж байгаа аж.

PAPARATSI.MN