“Яг түүн шиг-2” Монгол Eminem Ами

Оролцогч төгөлдөр хуурч С.Алимаа энэ удаад реппер Eminem боллоо.

Ами “Энэхүү даалгаварыг анх аваад үгийг нь харж байхад нүд гүйцэхгүй байсан. Тэгээд яаж үглэнэ дээ гэж бодож байсан” хэмээн даалгаварынхаа талаар ярьсан юм.

Н.Онон “Ами ерөөсөө харагдахгүй байна. Яг л Eminem байна. Сонгодог урлагийн хүн репперийн хөдөлгөөнийг хийхэд үл ялиг хүндрэлүүд байна. Гэхдээ гоё байна. Онц мундаг”

Б.Наранзун “Браво, Ами. Бол ерөнхийдөө хамгийн хурдаг үглэдэг цагаан арьст реппер. 15 секунтэд 97 үг дуршигнуулан дэлхийн рекорд тогтоосон реппер. Энэ хүн дотор гурван хүн оршдог гэж судлаачид үздэг. Хоолойн өнгө ер нь адилхан байна. Дуулалт 75 хувьтай дүр бол 90 хувьтай байна гэж хэлье”

А.Долгор “Бид шүүж байгаа ч гэсэн оролцогчдоо үзүүлбэрээ сайн хийхэд хачин их баяртай байдаг. Маш гоё байлаа. Түүнд энэ базер таарахад ямар азгүй юм бэ гэж бодож байсан. Харин ч чиний хувьд тэсрэлт боллоо”

Төгөлдөр хуурч С.Алимаагийн үзүүлбэр таалагдсан бол оролцогчдын үзүүлбэр дууссаны дараа хувийн 6 гэсэн дугаарыг 155115-д мессеж илгээгээрэй.