Хуруунууд моодонд орлоо

Төв талбай дээр иргэд нь дураараа салаавч гаргаж., дээгүүр албан тушаалтай, сайд гишүүд нь төрийн ордонд зоргоороо дунд хуруу гаргадаг моод дэлгэрээд байх шиг. Өчигдөр л гэхэд Үндсэн хуульд нэмэлт өөрчлөлт оруулах асуудлаар намуудын төлөөлөл хэлэлцүүлэг хийсэн. Энэ үеэр Монголын Социал демократ намын дэд дарга Д.Энхзаяа дунд хуруу гаргав. Үүний өмнөх өдрийн бас нэгэн дуулианд “салаавч”-ны хэрэг мандсан. Сүхбаатарын талбайд болсон арга хэмжээний үеэр телевизэд ярилцлага өгч байсан Төрийн өмчийн хорооны бодлого зохицуулалтын газрын дарга Ц.Ням-Осорт нэгэн иргэн камерын өмнө салаавч харуулж, “Ард түмэн хэцүү байна шүү” гэсэн үг дайв. Эргээд харахад, улс төрийн тогоонд үлдэж хоцорсон “салаавч”-ны хэрэг цөөнгүй. Монгол Улсын төрийн гурван өндөрлөгийн албан тушаалыг хашиж байсан Намбарын Энхбаяр авлигын хэрэгт холбогдон саатуулагдах хугацаандаа төрийн ажилтнуудын өөдөөс салаавч гаргаж байсан. 2013 оны есдүгээр сард “Хас”-ын Ч.Ганхуяг, “Сонгдо” эмнэлгийн захирал Б.Болдсайхан нарын хүмүүс Төрийн ордон руу салаавч гаргаж байсан нь бас л сонин үйлдэлд тооцогдож байв. Тэд ”Доллар 1700 төгрөг гарлаа.

Ажлаа хийж чадахгүй байгаа Ерөнхий сайд май” хэмээн эсэргүүцэл үзүүлж байв. Нарантуул” захын “босс” Ш.Сайхансамбуугийн УИХ-ын гишүүн Б.Бат-Эрдэнэ, Д.Балдан-Очир нарт зориулсан салаавч. Энэ үйлдлээ тэрбээр “Үүдний өрөөнд Б.Бат-Эрдэнэ, Д.Балдан-Очир хоёртой хамт байхдаа тоглоом шоглоомоор ийм үйлдэл хийсэн” хэмээн тайлбарлаж байжээ. Энэ мэтчилэн ард түмэн рүүгээ, ард түмэн нь улс төрчид рүүгээ ээлжлээд л би ч хуруутай гэж байгаа мэт байх юм. Хэн хэндээ асуудал байгаа биз. Ард иргэд ч бай, улс төрчид, сайд дарга нар нь ч бай замбараатай боловсон баймаар юм даа.  

PAPARATSI.MN