“ХУВААРИЛАЛТ НЬ ШОГ БАЙНАА”

Улсын Их Хурлын сонгууль эхэлсэнтэй холбоотойгоор намууд болоод нэр дэвшигчид хэвлэл мэдээллийн хэрэгсэл болоод, өөрсдийгөө PR-дах самбар зэрэгт ёстой л “алалцаж” байна. МАХН, МАН, АН аль хэдийнэ самбаруудаа “эзэгнэж” бусад жижиг намуудад юу ч үлдээлгүй “хууг нь хамжээ”. Ингэж мөнгөөр цохисон гэдгээ “азаартах” хэрэг байна уу? Хэвлэл мэдээллийн хэрэгсэл бүхий л нам, нэр дэвшигчдэд ижил тэнцүү хуваарилагдах ёстой. Ялангуяа ИЗНН болон бусад намуудын нэр дэвшигчдэд замын хайсны дагуух жижиг самбар ч олдохгүйгаас шинэ залуу нэр дэвшигчид маань тэвдэж явна. Жижигхэн самбар олдохгүй байхад сонин сэтгүүл, телевизийн цагийг дурсаад ч хэрэггүй. Ямар сайндаа л арай ядан телевизийн ярилцлаганд орохдоо нэгэн залуу  нэр дэвшигч “Би сонгууль дуустал дахиж зурагтаар гарахгүй байх, учир нь надад мөнгө байхгүй, миний царайг сайн тогтоогоод аваарай” гэж хэлэхэв дээ. Хуваарилалт нь нээрээ л шог юм даа. Хүн бүр ижил тэгш эрхтэй, нэр дэвшигч бүрт сурталчилгааны хэрэгслүүд адил тэнцүү ноогдоно гэсэн хууль хаачив аа? “Мөнгө байхгүй бол тэгсгээд чимээгүй л байж бай” гэж байна л гэж ойлголоо.