Дуга, Барт хоёрын нөхөрлөл

Баавгай бол аймшигт араатан. Энд тэнд хүн барьсан тухай мэдээлэл гарч л байдаг. Циркийн баавгай ч гэсэн байнга торонд байж, ганцхан сургагчтайгаа л харьцдаг. Харин америкийн Барт баавгай бол Дуга Сусагийн өрхийн нэг гишүүн байсан. 

Тэр өөр хоёр баавгайн хамт Дуга Сусагийн гэрт өсч хүмүүжиж 1981-1998 онд олон кинонд тоглосон “нэрт” жүжигчин. Харамсалтай нь Барт 2000 онд нас нөгчжээ. 
Энэ Дуга Сусад, тэдний гэр бүлд хүндээр туссан ч Бартын дүү Барт-2, Хани Бамп гэсэн хоёр баавгай үлдсэн. Эд ч гэсэн Бартын ажлыг үргэлжлүүлэн Брэд Пит, Женнифер Энистон нар шиг холлливудын кинонд тоглож нэрээ мөнхөлсөөр л байгаа. 

Энэ баавгайнууд жүжигчнийхээ зэрэгцээ Дугагийн гэр бүлийнхэнтэй нийлээд буяны олон арга хэмжээ, байгууллагад зүтгэдэг. Тэд Аляск, Канадад хүрэн баавгай, бусад амьтдыг хамгаалах олон төрлийн арга хэмжээнд оролцдог байна.